Zbulohet proteina që shkakton Alzheimerin, (Humbjen e Kujteses).-

“Një test gjaku që vë në dukje shenjat e dëmtimit të trurit mund të përdoret për të zbuluar sëmundjen e Alzheimerit deri në një dekadë përpara se të shfaqen simptomat”, thanë shkencëtarët. Në një studim të bërë tek 247 njerëz, me një mutacion gjenetik të njohur për tu shkaktuar sëmundja e Alzheimerit, testet zbuluan nivele më të larta se normalja të një proteine ​​specifike që rritej me kalimin e kohës. Tek pjesa tjetre e njerëzve të marrë në studim, treguan se nivelet e së njëjtës  proteinë ishin të ulëta dhe mbetën kryesisht të qëndrueshme. Kjo kategori përfshinte ata persona që nuk kishin të afërm me sëmundjen e trashëgueshme të Alzheimerit.

Megjithëse aktualisht nuk ka ilaç për trajtimin e Alzheimerit, gjetjet mund të ndihmojnë mjekët që të parashikojnë kur pacientët duhet të fillojnë të shfaqin simptoma. Dr Brian Gordon, nga Shkolla e Mjekësisë në Uashington, në SHBA, tha: “Kjo është diçka që do të ishte e lehtë të përfshihej në një test në një klinikë të neurologjisë.” Ne e vërtetuam atë tek njerëzit me sëmundjen Alzheimer sepse e dimë se truri i tyre i nënshtrohet shumë neurodegjenerim, por ky shënues nuk është specifik për Alzheimerin.

“Nivelet e larta mund të jenë një shenjë e shumë sëmundjeve dhe lëndimeve të ndryshme neurologjike. Testi gjithashtu mund të përdoret për të identifikuar njerëzit me dëmtim të trurit të shkaktuar nga skleroza e shumëfishtë (MS), goditje, ose lëndime traumatike”, thanë hulumtuesit gjetjet e të cilëve shfaqen në revistën Nature Medicine. Para se testi të mund të vihet në përdorim praktik, studiuesit do të duhet të përcaktojnë se sa nga proteinat në gjak duhet të konsiderohen anormale dhe sa shpejt mund të rritet para se të bëhet shkak për shqetësim.